2018ko Ekainaren 27an, LIFE Good Local Adapt proiektuari buruzko eskualde mailako ekitaldi bat ospatu zen Bilbon, klima-aldaketaren eremuan proiektuaren emaitzak elkarbanatzea eta beste udalerri batzuetara nola transferitu eta erreplikatu daitezkeen ezagutzea xede nagusiak zirelarik.

 

 

Eskualde mailako ekitaldia

 

Ekainaren 27an, LIFE Good Local Adapt proiektuari buruzko eskualde mailako ekitaldi bat ospatu zen Bilbon, klima-aldaketaren eremuan proiektuaren emaitzak elkarbanatzea eta beste udalerri batzuetara nola transferitu eta erreplikatu daitezkeen ezagutzea xede nagusiak zirelarik.

Ekitaldira proiektuari atxikitako kideetako ordezkariak gerturatu ziren (Legazpi, Balmaseda eta Amurrioko Udaletxeak; Factor; Gaiker; Ekinn; eta Createlli), bai eta inguruko beste Udaletxe batzuetako (Bilbo, Getxo, Loiu, Mallabia, Ugao-Miraballes, etabar) eta Ihobeko ordezkariak ere.

Lehenik, testuinguruan jartzeko, Euskadiko klima-aldaketarako egokitzapenerako esparrua azaldu zen, batetik; eta LIFE Good Local Adapt proiektuaren esparrua eta bere akzio ezberdinetako garapenean izan duen bilakaera ere bai, bestetik.

Ondoren, gaur egunera arte garatutako akzioetan arreta jarriz, C1 akzioaren barneko barometro klimatikoaren helburuak,  garapena eta emaitzak azaldu ziren; bai eta C2 akzioaren barne aurrera eraman zen herritarren parte-hartze prozesua ere, klima-aldaketari egokitzeko proposatutako neurrietan sakonduz.

Parte hartzeko bi dinamika ere egin ziren, jardunaldian parte hartzen ari ziren udalerriek klima-aldaketari buruz duten ezagutza- eta pertzepzio-maila neurtzeko, batetik; eta klima-aldaketaren inpaktua lehenesteko eta aurkezturiko  egokitzapenerako neurri ezberdinen inguruan lan egiteko, bestetik.

Azkenik, udalerriei gonbidapena luzatu zitzaien proiektuan parte hartzeko, bere sarearen kide eginez. Horrela, proiektuan zehar sorturiko ezagutza eskuragarri izango dute momentu oro, eta bere udalerri propioetan esperientzia hauek erreplikatu ahal izango dituzte.